2016.12.20【12.20 登龍街的龍蝦】

2016.12.20【12.20 登龍街的龍蝦】

一直以來，我對登龍街嘅印象，

就係麵，全部都係麵，

難得上次過嚟食點心，

見到有麵以外嘅選擇。

心諗，

咁有特色，

以龍蝦做主題，

一定要食。

今日逛完時代，

諗起龍蝦，

馬上行去。

晚上有面對燈光反映，

店舖色彩多咗，更繽紛，

食慾又增加。

橱窗Poster寫明有咩食，

明碼實價，

帶住合理期望入去食，

夠均真。

今日專程嚟食，

仲見到龍蝦包特價，

法式龍蝦湯都係今日推介，

好Lucky，

好開心。

座位數目唔算多唔算少，

俾人感覺坐得舒適。

有趣嘅裝飾，

好自由嘅感覺。

畫龍點睛嘅龍蝦裝飾又點少得，

MENU早已放喺枱上俾我揀，

但我一早心有所屬。 

 龍蝦包

 啖啖鮮甜龍蝦肉，

唔駛拆殼，

最啱我，

一口一滿足，

係食龍蝦嘅小確幸。

 個包烘得香脆。

  

龍蝦汁淋落龍蝦包更加滋味。 

法式龍蝦湯

 附上一片蒜香多士

 將蒜香多士浸入龍蝦湯，

多士充滿蒜香同濃濃龍蝦味，

無論色同味，

龍蝦湯都呈現一種精華濃縮，

加上忌廉，

質感更厚實。

難得主題店唔駛加一，

滿足愛龍蝦同愛嚐特色主題招牌菜嘅我。