2016.02.26 【2.26 妳的舞台 The Live House~滋味行TASTY ROAD】

2016.02.26 【2.26 妳的舞台 The Live House~滋味行TASTY ROAD】

MISS A本來約我四年一次嘅2月29號食晚飯，

但由於呢日太特別，

一早已有安排，

所以提早到今日。

佢喜歡有LIVE表演地方，

所以約我去旺角一間 名叫The Live House嘅餐廳，

5點半仲Whatsapp我提醒我，一早Book好6點，由我點菜。

我就習慣準時，

因為大家都在ON DIET，

所以我就先ORDER 1飲品1小食1主食1甜品，

另1杯等佢嚟先點。

結果，6點10分，MISS A來電，

今晚OT，來不了，

兩個人的晚餐變為一個的晚餐，

已Order嘅，都唔好意思退，

亦慶幸冇叫飯或意粉。

好彩今日Lunch食白粥清腸胃，

所以希望自己一個人食得哂。

小食

黑松露蟹肉焗西蘭花

想食蟹，都唔駛動手拆肉，

厚厚芝士包裹蟹肉，

而且蟹肉份量唔少，正。

西蘭花可以拉到芝士絲，

仲有薯蓉墊底。

主食

美國安格斯肉眼(16 oz)

要求7成熟，

外面焦脆，

內裡嫩滑多汁。

仲有菇、薯角、翠玉瓜粟米仔平衡一下。

甜品

冰火朱古力軟餅

用鐵板上，再淋上朱古力醬，

睇住朱古力醬滖滖滖，

形成得意場景。

口感都有趣，

下面軟餅熱辣辣，

上面雪糕凍冰冰。

飲品

Espresso Chocolate

作為朱古力迷，

呢個Espresso Chocolate喺食咗甜品之後，

依然食出甜味，

證明自己嘅選擇係正確嘅。

感恩嘅係，

全部食物都大致食哂，

冇太浪費。

以為妳最愛Live Band、紅館

原來，妳的舞台是妳的工作，

妳可以勇敢地離開comfort zone，

去一個未知的地方，重新開始。

妳係一個外冷內熱的人，

可以好快愛上一個地方，

可以投入到天昏地暗，

可以默默承受之前遺留的問題，

一直努力，

明白禮貌就是不打擾離開的前人。

誠心祝福妳，工作順利，

克服工作一切困難，

打造妳想要的口碑和品牌，

得到大家的認可。

2016.02.22 【2.22 爭取時間，Grill外賣 ~滋味行TASTY ROAD】

2016.02.22 【2.22 爭取時間，Grill外賣 ~滋味行TASTY ROAD】

用1星期裝修office係咪Mission Impossible?

未知，老闆尚未示意。

但我同拍檔已經由原來Office暫時搬去中環臨時辦公地點。

一周之計始於星期一，一定要幫手諗嚟緊Project嘅SWOT，

但得兩個人，兩個腦，3個鐘頭會議，

妳Ban我Idea, 我對妳Suggestion提出質疑，完全係困獸鬥。

傾傾吓老闆又話1點鐘過嚟探班，為咗緩和氣氛，

我自動請纓去買外賣，其實係出去抖吓氣，順便行吓。

12:30原本Coach旗艦店對出嘅中環港鐵站D2出口人山人海，大家都出嚟食Lunch。

第一日番呢頭，除咗去過附近印度餐廳食晚飯，真係唔算熟路，

忽然諗返起上次食串燒，職員話佢哋午市有海南飯賣，馬上行上去。

返到office，打開飯盒，見到大大盒。

真心覺得，喺中環$60價格合理。

泰式去骨海南雞飯連餐飲

去哂骨=啖啖肉

皮滑肉嫩唔肥膩，優質。

有菜，均衡飲食。

有味飯，有醬，配合得啱啱好。

因為之前試過呢間串燒，知道好食，

第一次買海南飯，又怕拍檔唔夠食，

所以叫咗一牛一豬俾佢。

燒牛肉，佢都讚夠腍好食。

燒豬肉，配上香而不辣沙嗲醬，

佢話如果office長駐中環就好啦，

咁佢lunch或者放工就去食番串，睇嚟佢都愛上。

為猴年鴻圖大展，

工作順利，工作開心。

飲杯奶茶同檸茶，Cheer!

2016.02.20 【2.20 用路邊煱進補 ~滋味行TASTY ROAD】

2016.02.20 【2.20 用路邊煱進補 ~滋味行TASTY ROAD】

有說九龍城多泰國菜同潮州菜食，

但朋友MI就帶我果邊去路邊進補，

因為佢記得我以前係最溫暖的同學，

但今日佢洗完手，手比我仲暖，全因為佢鍾意食雞煲，

所以佢要我今晚6點同佢食，

早嚟就係好，座多，坐得舒服。

佢知我受唔到辣，

所以叫花彫酒煮雞煲，

我話花彫酒喎，

佢話煮雞後，酒精會揮發哂，

有香味，但又唔會醉，

反正，我跟得妳嚟，我就信妳，放膽一試。

用花彫酒、蒜子同紅蔥炆煮滑雞，

不斷滾時，雞依然保持嫩滑，

蒜子同紅蔥吸汁，

一口雞一蒜子一紅蔥，

酒味全冇，惹味全收。

洗哂啲雞，意猶未盡，

加啲湯再叫2款牛嚟打邊爐，

 

別有一番滋味，

牛肉彈牙。

又雞又牛，

怕會燥燥哋，

飲返支竹蔗茅根同柑桔檸蜜，

然後做RUNNING MAN返屋企睇RUNNING MAN。

為健康，

為家庭，

為事業，

為愛情，

為心想事成，

飲杯。

2016.02.20 【2.20 帶阿Wing去Kitchen~滋味行TASTY ROAD】

2016.02.20 【2.20 帶阿Wing去Kitchen~滋味行TASTY ROAD】

屋企唔係皇宮咁大，想2個人一齊入廚樂，

恐怕唔係開放式廚房都做唔到，點樣可以同阿Wing去Kitchen呢？

星期六就係想懶豬，等埋Wing小姐中午放工，

一齊去同佢同名嘅餐廳食lunch(當然，間餐廳唔係佢㗎啦)，順便行街街。

好喜歡牆上一系列嘅畫，

WIFI係妳等食時嘅好朋友。

叫2客lunch set，可以揀是日餐湯或沙律

大家都揀是日餐湯

是日係餐湯西蘭花薯仔湯

自己整薯仔湯，通常薯仔切細粒，

蕃茄切細塊。但呢度嘅薯仔湯唔放蕃茄，

反而放碎碎嘅西蘭花，又出奇哋夾，

又偷到師，下次可以試吓。

Wing小姐食鮮茄忌廉汁配煙三文魚野菌意大利燴飯，

賣相唔錯，應該夠creamy

本來我都想食呢個，但由於我今晚會煮Risotto,

所以我最終揀美國頂級西冷扒配意大利麵

我想叫8成熟，但職員表示呢度有3個選擇:3成熟/5成熟/7成熟

估計自己接受唔到3成同5成熟咁生，所以都係7成好啦。

 食落又okay喎，唔比8成熟差，

嫩口又鎖到香濃牛肉汁，

意粉用油同香草炒過，

配上少許黑椒，令成個dish惹味。

或者，睇秀珍同成恩食芝士食得太滋味，所以我一口氣叫咗2個芝士入饌嘅小食

芝士焗龍蝦薯條 同 酥脆瑪蘇里拉芝士條

龍蝦肉鮮甜，由咸咸哋芝士包裹，一流，

再連住薯條，大大啖，第一次試覺得唔錯。

薯條有啲似麥記果種，如果換成波浪形薯條，應該會正啲。

芝士條可以拉到絲，只係我掛住傾偈放凍咗，如果唔係會好味啲。

魔鬼朱古力蛋糕配雪糕

有幾魔鬼?就係個蛋糕媲美酒店水準，好朱古力，

面有朱古力漿包住creamy朱古力蛋糕,

雪一雪，外面有型，裡面有滑。

配上石板街朱古力雪糕，完全係投身朱古力世界。

比利時窩夫配鮮果及雪糕

Wing小姐就表示有改進空間，

士多啤梨同士多啤梨雪糕，

佢都覺得夠甜夠凍,

但如果窩夫可以熱啲，

配合起來就會相得益章。

日日返工飲咖啡為提神，星期六梗係唔飲佢，

揀至愛檸茶啦，反而Wing小姐返咗半晝就想飲吓，

支持一陣shopping嘅專注力。

為猴年鴻圖大展

身體健康，

心想事成，

工作順利，

家庭幸福，

愛情美滿。

飲杯，cheer