＊瑩瑩＊~♪♫天使的禮物♫♪ ＊Ying's＊~♪♫Secret Garden♫♪: 9月 2015

2015年9月25日星期五

2015.09.25【9.25 感情線上】

2015.09.25【9.25 感情線上】

一個獨自在發燒　另外那位唇上結冰　負負得正
各取需要　多玄妙　也許　上天不給我的
無論我兩臂怎緊扣　仍然走漏
給我的
無論過去我怎失手都會擁有

一個恨浪漫太少　另外那邊期望太多　實現不了
結果將會　多微妙　也許　上天的一對手
移動你與我的分寸　行前或留後這對手
其實正要送我給你不要鬥

分叉的感情線　正等我為你蔓延
彼此的感情線　交錯發展　怎麼捨得去剪

心在你身邊　就算隱形亦有一天遇見
那些感應　多靈驗　也許　被喜歡的女人
從自信散發的光線
朦朧或明豔　不太難望見

分叉的感情線　正等我為你蔓延
彼此的感情線　早佈滿對方雙手
你的感情線　看出我下個十年
分叉的感情線　總會有某天一起發展

等適合時候孤男寡女會連線
深呼吸等適合時候一場交戰
深呼吸等適合時候孤男寡女去連線
深呼吸等適合時候一場交戰

2015年9月20日星期日

2015.09.20【9.20 酸酸甜甜就是我~2/3 DOLCI雪芭 ~滋味行TASTY ROAD】

2015.09.20【9.20 酸酸甜甜就是我~2/3 DOLCI雪芭 ~滋味行TASTY ROAD】

我哋呢啲OL仔，放假梗係要搵好嘢食啦，因為出得嚟行，預咗要玩。
今日嚟到Pacific Place(太古廣場)，去咗grand地食grand嘢。grand grand哋都要食啲好嘢，先對得住自己啦。
揀咗2/3 DOLCI雪芭

雪糕呢啲平日食得太多，佢由牛奶同糖混合製成，其實真係容易致肥，
所以今日揀兩球雪芭滿足吓食雪糕心理之餘，又健康，同時實踐優質生活
兩球雪糕唔平，但勝在好味。

士多啤梨雪芭同酸莓雪芭
灑上兩款朱古力，脆口到不得了，再淋上芒果醬，實在係大滿足
我覺得如果店舖可以有座位俾客人坐低慢慢品嚐會更好。
不過，我都明嘅，太古廣場咁貴租，有舖賣嘢都唔錯，
同樣，想生活更好就更努力，
咁樣先可以食好，住好，用好，著好
食一杯貴價雪芭，我知點做嫁啦，俾心機，繼續加油。

2015年9月19日星期六

2015.09.19【9.19 女子燒味，好燒味~滋味行TASTY ROAD】

2015.09.19【9.19 女子燒味，好燒味~滋味行TASTY ROAD】

下晝入西灣河幫朋友做義工(DESIGN 方面)，開工之前自然要醫飽個肚，一出地鐵就見到有間店叫女子燒味，就係覺得得意就入咗去。(其實佢寫嘅係好燒味，係我會錯意，哈哈。)

環境似茶餐廳，黑板上寫嘅是日午餐同是日晚餐就係啦。

好抵嘅學生餐，不過我哋唔適用，傷心。

枱上嘅餐牌就完全係燒味嘢啦。
識得食燒味，梗係要做食肉獸啦，所以叫咗脆皮腩仔（例牌）、熏蹄（例牌）、紅燒乳鴿。

脆皮腩仔，個皮差唔多有兩2mm厚，嘩，勁脆，即使食咗其他嘢再回頭食佢，個脆依然好脆，幾好。

熏蹄好正，有酒樓水準，如果有埋海蜇一齊就更好啦。

忽然發現冇叫飯，所以好好奇咁叫一個有怪怪名字嘅飯嚟試吓--核蛋叉燒飯

核彈定核蛋呢?飯到，謎底就自動解開，原來係一隻温泉蛋，上枱時隻蛋仲震震吓，非常有趣，叉燒顏色同形狀都唔似其他燒味舖，當然要馬上試吓。

哦，原來同屋企一樣，用日本蛋，流心程度一流，不過我唔會喺屋企整囉，嘥時間同心機，所以今日食到都幾開心，撈飯一流。

叉燒嘅質感同豬頸肉好相似，肥瘦適中，煙煙韌韌，口感唔錯。

燒味舖一向都有賣乳鴿，但味道始終唔及沙田果邊好味，餓咗兩個月，見到呢度有，又叫番隻嚟解吓相思之苦，熱辣辣咬落去，皮脆肉嫩，啲油流落去碗飯，別有一番滋味。

飲番杯，當然係凍檸凍啡。
飲飽食醉，腦力開工，設計至上。

2015年9月12日星期六

2015.09.12【9.12 印度小明留下腳“印”~滋味行TASTY ROAD】

2015.09.12【9.12 印度小明留下腳“印”~滋味行TASTY ROAD】

美人G又要怕，又想試印度菜。
係都要拉我一齊去，佢話知我呢排成日同港島朋友飯局，多揀印度菜，所以要我呢個有經驗嘅人帶路。
即係咁，我其實唔介意同佢食，但美人又要逼我陪佢食夜晚，又要情調好。
心裡頭大叫：大姐，我之前都係食LUNCH同BRUNCH啫，夜晚？我識咩啫？
不過，好彩世上有OPENRICE,可以睇相揀餐廳。
一早book好枱，邊行邊同佢坦白，呢間我未試過，但完全按佢唯美主義去揀，好味佢請我，唔好味我出三分二(其實無論點都好，呢餐我決定出一半，因為要賀佢升職)
按OPENRICE索引，好快就行到，地下舖，別有洞天，