2015.03.28 【3.28 艇仔粥配炸兩~滋味行TASTY ROAD】
從前有一對小姐妹,
好少出街食哂,
難得一次半次出去食早餐,
就歡天喜地,
果陣時連鎖店少(食肆,便利店,超市)
小店粥舖茶餐廳多,
2至3個月就一次咁大把,
姐姐一定叫艇仔粥,
炸兩就係妹妹嘅不二之選。
姐姐錫妹妹,就一定叫佢食啖艇仔粥,
妹妹就會扭計唔肯食。
宜家,兩個人都大個,
開始搵錢。
感慨時移勢易,
有時一條街連一間小店都冇,
所以如果見到小店,
佢哋一定會走入去支持一下。
又係一個等睇戲最啱TEA一TEA嘅時間。
瑩瑩睇到西記粥店有艇仔粥配炸兩,
馬上試下,友人就叫艇仔粥配炒麵。
啲粥好綿, 啲米好碎,好味過一粒粒圓整米粒嘅潮州粥(純粹個人口味)
炒麵都似以前街邊$5一包熱辣辣炒麵嘅味道(不過唔夠熱)
炸兩最叫人失望,因為裡頭嘅唔熱辣辣唔脆,
HEHE,我食得好快。
不過,同友人都叫做食得開心,
因為有時食嘢唔止講質素,
仲講同咩人食,食咩,同環境氣氛。
瑩瑩今次仲食埋情懷,
食對細個無憂無慮時代嘅懷念。
2人同行,盛惠$50,
又再返回現實。
