早喺上星期就被邀請今日去港島出席兩個EVENT，
可能818係好日子，
去得中上環，自然要搵C小姐呢位地主一齊食LUNCH啦，
一早約定C小姐，佢拋低平日飯腳，好細心話帶我去試印度菜，
我話上星期先試咗，不如試新嘢啦，
佢就話改食尼泊爾菜。
一見面C小姐話食尼泊爾菜呢間餐廳其實就係佢想帶我去食嘅印度菜餐廳，
我話佢玩嘢，如果我唔滿意，我馬上走人，
佢話一間餐廳，可以試兩種口味，抵啦。
一出電梯就見招牌 (係我鍾意嘅DESIGN，佢果然知我TASTE)
入門就見特色擺設 (又係我杯茶，我知道我會食呢餐啦)
餐廳播住BOLLYWOOD MV，再食印度菜，應該勁有FEEL。
原來呢間餐廳LUNCH有BUFFET，又有SET LUNCH，
由於我行得太攰，所以我話唔BUFFET，攞MENU叫嘢食，
先嚟叫個前菜小食炸洋蔥圈，
好耐冇食啦，我對洋蔥圈要求:脆同甜
酥酥脆脆，洋蔥唔生又甜，唔點個SAUCE都好正，
呢個合格
作為一個忌廉湯嘅忠實FANS，去到每間餐廳，
只要有忌廉湯，必叫
呢個忌廉蘑菇湯CREAMY不足，但味道搭夠，OKAY啦
呢個LUNCH嘅重點係尼泊爾DISHES
熱辣辣尼泊爾辣雞鎚一上上枱
色香味俱全，相機食先，
我第一啖之後，就用眼色叫C小姐試，
佢仲以為有事，馬上攞一隻，
結果佢一食，我就笑咗，
因為大家都覺得好好食，
一碟六隻，每人三隻，平均分咗佢。
話咁快，一下就清哂，
睇下，食雞吐骨。
享受咗尼泊爾辣雞鎚，主食就到啦
兩個女仔齊齊一個SET LUNCH，再叫多啲嘢，
完全滿足SHOPPING心理，心多的心多，你明啦~
燒烤春雞SET LUNCH(印度口味)，配飯、沙律同NAAN
印度烤餅有NAAN. (白色呢款)
長長嘅印度米，同我哋食開嘅絲苗、珍珠米形狀唔同。
印度亦有啡色呢種牛油烤餅。
跟SET LUNCH嘅湯味道都似我嘅忌廉湯，但冇蘑菇，同埋水份較多。
上次試過芒果LASSI，
一試愛上，嚟到食印度菜嘅餐廳，一定要叫，
呢間芒果LASSI，好香甜芒果味，又有好厚實質感，比之前飲過嘅更好飲
所以再ENCORE，
C小姐又陪我ENCORE ICE COFFEE，
又番到工作崗位繼續努力打拼啦。
