2016.12.11【12.11 月球中的人尋找聖誕滋味】

2016.12.11【12.11 月球中的人尋找聖誕滋味】

娃娃同我都愛<<月球上的人>>同<<月球下的人>>，

今晚我哋做月球中的人尋找聖誕滋味。

外面主力推廣手工啤酒，估唔到仲有晚餐供應。

用月亮做主題，入到去裝修係一個有少少似隧道感覺，

高枱同梳化位都好適合同朋友飲酒傾偈。

 

月球中的人，

向聖誕滋味進發。

帶子薄片伴紅菜頭及美國蘆筍

刺身帶子切薄，非常嫰滑，鮮味保留。

紅菜頭酸酸哋，醒醒胃。

美國蘆筍屬BB級，十分嫩。

加咗黑椒，更加惹味。

牛肝菌忌廉湯

店員未到我哋枱，

忌廉湯嘅菌香味已飄到，

飲落質厚暖入心。

牛肝菌意大利飯

呢個飯明顯符合港人口味，

啲米冇骨，自己動手將芝士融份飯中，

令飯更有黏性增加，牛肝菌切粒令呢個飯有咬口。

法式焗羊柳釀鴨肝配黑松露菌燒汁

 羊柳嫩滑，好有肉汁，

黑松露味由中間沁入羊柳。

杏仁片包住羊柳，令外皮香脆，

口感有層次，用心之作。

炭燒法國春雞

法國春雞已為客人打開，

只留下四件小骨，

方便客人進食。

炭燒過嘅春雞，

外脆內嫩，

又可以保留肉汁。

朱古力甜品會係三重朱古力，
老闆想改良得更好再喺聖誕推出，
所以主動幫我哋轉飲品。

Mocktail+Cocktail

Mocktail:Honeymoon

Honeymoon呢杯Mocktail,甜甜果味濃，啱唔飲酒嘅我。

Cocktail

娃娃話呢杯Cocktail，

少少酒味，多多果味，

學飲酒最啱。

地球上的人之聖誕滋味開始啦!