2016.12.11【12.11 Joy唔Joy我哋?Joy就Joyful啦！】

2016.12.11【12.11 Joy唔Joy我哋?Joy就Joyful啦！】

NaNa約我去旺角食甜品當下午茶，之後再去行街。

原來係去得到車胎人-米芝蓮推介。

裝修都幾體貼，有得放袋。

可愛嘅雲燈同擺設。

食嘢食招牌菜，

嚟得米芝蓮推介甜品店，

當然要試推介。

喺FB check-in兼post相即送雪糕一球，

所以要咗芒果味，配拿破崙。

 

芒果拿破崙

自從某人請過我食，我就念念不忘。

層層叠，餅脆Cream軟，鬆化可口。

呢個芒果係超甜，明顯用菲律賓呂宋芒，

上枱熱辣辣，伴凍冰冰芒果雪糕，好一個冷與熱情之間。

燒菠蘿雪芭

其他甜品店，真係唔多見，

所以喺Menu有，當然唔可以錯過。

有時喜歡雪芭多過齋冰，喜歡佢夠健康。

Mr. Black奶凍

我想要Mr. Right, 更想要呢個Mr. Black奶凍，

因為佢有朱古力雪糕，布朗尼，仲有重點朱古力奶凍。

好嘅奶凍可遇不可求，有時，會遇到好似落魚膠粉嘅奶凍，

口感就好似係硬布甸。呢間好好，質感似軟身豆腐花兼且更滑。

下午茶買一送一

惠顧任何甜品都可以有嘢飲送，

飲嘢貴過$36補番差價就OKAY，

所以要咗熱抹茶鮮奶同香蕉奶。

熱抹茶鮮奶

抹茶味好出，茶一到，味已聞到。

 香蕉奶

 香蕉打溶，同牛奶嘅比例剛剛好。

甜品呢樣嘢，好主觀，啱食就食繼續食。

呢間甜品店店員nice又願意講解優惠。

又有米芝蓮推介，又有買一送一，

其實真係算抵食，加上坐得舒服，

我同NaNa就會再嚟Encorn。