2016.12.06【12.6 觀塘改觀之旅（下集）】

2016.12.06【12.6 觀塘改觀之旅（下集）】

好姐妹早早約定今日，
要為佢個Project嘅完滿成功而慶祝，
佢話時間地點由我定， 開定位等佢， 佢個人過來就得啦。
所以又Openrice靚餐廳食Fine Dinner。
Openrice App 啲相好靚呀，
好就呢間。

 

學張家輝講：宜家冇，將來會有。

暫時未去美國曼克頓，

未住曼克頓山，

將來會去美國曼克頓，

會住曼克頓山，

宜家去曼克頓食住等。

好靚嘅裝飾牆，
用燈光勾勒曼克頓。

仲有室外座位，
方便飲嘢同食煙人士。

做嘢果時唔識餓，
放工之後就會特別餓，
加上工作過後，
行咗一陣APM。

坐低馬上睇Menu,

嘩呢個Christmas Menu,好吸引噃，有M6和牛食

可以提議老闆Annual dinner同Christmas Party一齊攪。


呢個兩人餐都幾抵，心諗一陣就要呢個。

呢間餐廳都經細心，專門一個蠔Menu, 
介紹吓唔同蠔嘅特點。
老闆係愛蠔人士，有時都聽吓佢講蠔經。
記得佢成日講果幾隻，佢最鍾意嘅，所以我又試吓。
不過，真係好餓，所以先叫幾隻蠔同扒皇帝大蝦，食住等。

澳洲塔斯曼尼

好似介紹講，佢係奶油味，冇海水味，肉質豐富，回甘甜味

澳洲煙霧灣

好彩先食澳洲塔斯曼尼，佢帶海水鮮味，
但肉質爽口清脆，肉帶甘香，蠔汁鮮甜。

澳洲哥芬灣

老闆講過呢個，蠔形果然細小，蠔裙邊爽脆，
帶雙重味道：海水及海草。

法國等級芝華度

呢個最重鹽味，但又係肉質最肥美爽脆，入口甘甜。

扒皇帝大蝦

皇帝大蝦開邊挑腸後燒，香烤味濃又唔會燒到乾身，
依然保持食到彈牙肉質，配芝士汁，好味。

食到一半，好姐妹話幫緊老闆，今晚要甩我底，
嗚，二人餐今晚就食唔到啦，
食到宜家都仲係見肚餓，所以都係叫多樣嘢食。

美國牛柳伴鵝肝

鵝肝似忌廉軟身，兼有鵝油香，三口完成。

靚牛柳係應該半熟，
因為有肉汁又保持嫩滑，
餐廳將外表少少焦香，好正。

就係咁，二人Fine Dinner, 變成一個好好愛自己的一餐。